“Araz Naxçıvan” Çempionlar Liqasında mübarizəni dayandırdı

“Araz-Naxçıvan” futzal klubu UEFA Çempionlar Liqasında əsas mərhələyə vəsiqə qazana bilməyib.  

Bizim.Media xəbər verir ki, Vitali Borisovun yetirmələri ilkin raundda yer aldıqları qrupdan çıxa bilməyiblər.  

A qrupunda qərarlaşan Azərbaycan çempionu son turda Latviya təmsilçisi “Riqa” ilə qarşılaşıb. Hər iki klub ilk iki turu itkisiz başa vurduğundan, qalib komanda birinci yeri tutacaqdı.  

Latviyada reallaşan qarşılaşmada meydan sahibləri 8:3 hesablı qələbə qazanaraq, maksimum nəticə toplayıb və əsas mərhələyə yüksəliblər.  

Qrupu 6 xalla ikinci sırada tamamlayan “Araz-Naxçıvan” isə növbəti mərhələyə adlaya bilməyib.

UEFA Çempionlar Liqası İlkin seçmə mərhələ, A qrupu  

26 avqust “Riqa” (Latviya) – “Araz-Naxçıvan” (Azərbaycan) 8:3  

Qollar: Dmitri Kuzmin, 2:30. Talles, 10:24. Serjinyo, 18:26, 27:12. Artur Strajdin, 24:38. Rikardinyo, 30:05, 39:57, İqor Labuts, 32:54 – Amadeu, 14:17, 15:05. Lukas, 33:51  

Hakimlər: Arttu Kinaerenen (Finlandiya), Martina Pitsolo (İtaliya), Georgios Kozakos (Kipr) 

Salaspils İdman Arenası.  

Xal: Riqa – 9. Araz-Naxçıvan – 6. Yan Reqensburq – 3. İstanbul Şişli – 0. 

Rəşad Rafiqoğlu, Bizim.Media