Dünya çempionu Maqnus Karlsenin təşkil etdiyi nüfuzlu “Champions Chess Tour” onlayn şahmat seriyasının dördüncü mərhələsinin yarımfinalçıları müəyyənləşib.
Bizim.Media xəbər verir ki, dörddəbir finalda norveçli Maqnus Karlsen ermənistanlı Levon Aronyanı, amerikalı şahmatçı Uesli So FIDE təmsilçisi Alireza Firuzcanı, rusiyalı Yan Nepomnyaşi amerikalı Hikaru Nakamuranı, niderlandlı Aniş Giri isə fransalı Maksim Vaşye-Laqravı mübarizədən kənarlaşdırıb.
MÖVZU İLƏ BAĞLI:
Şəhriyar Məmmədyarov Maqnus Karlsenə məğlub oldu - “Meltvater” turniri
Yarımfinal mərhələsinin görüşləri martın 18-19-da oynanılacaq.
Qeyd edək ki, şahmatçılarımız Şəhriyar Məmmədyarov və Teymur Rəcəbov təsnifat mərhələsində mübarizəni dayandırıblar.
Xatırladaq ki, Teymur Rəcəbov “Champions Chess Tour” seriyası çərçivəsində keçirilən ikinci - “Airthings Masters” turnirinin finalında Ermənistan təmsilçisi Levon Aronyanı məğlub edərək yarışın qalibi olmaqla yanaşı, həm də seriyanın finalına vəsiqə qazanıb.
Şahmatçımız seriyanın üçüncü mərhələsində - “Opera Euro Rapid” turnirində isə üçüncü yeri tutub.
Bizim.Media
