Gəncədə futbol akademiyası İSTİFADƏYƏ VERİLƏCƏK 

Gəncə Futbol Akademiyasında tikinti işləri yekunlaşmaq üzrədir.  

Bizim.Media xəbər verir ki, AFFA-nın dəstəyi ilə inşa olunan futbol ocağında son tamamlama işləri gedir.  

Ötən il tikintisi başlayan akademiyanın son durumu ilə bağlı “Kəpəz” klubunun mətbuat katibi Azad Mustafayev məlumat verib:  

“Hazırda akademiyada işlərin son mərhələsidir. Növbəti ay akademiya tam olaraq istifadəyə veriləcək. Hazırda binanın daxilində inventarlaşma prosesi aparılır”.  

Qeyd edək ki, bir il ərzində tikintisi yekunlaşan akademiyanın inzibati binası ilə paralel olaraq stadionun ərazisində təbii ot örtüyünə malik iki böyük və bir kiçik ölçülü süni meydan da salınıb. 

Rəşad Rafiqoğlu, Bizim.Media