AFFA milli komandamızın Avro-2024-ün seçmə mərhələsindəki ilk oyunlarda biabırçı məğlubiyyətlərinə baxmayaraq yığmanın baş məşqçisi Cani De Byazini istefaya göndərmədi.
Federasiyanın İcraiyyə Komitəsinin iclasında italyan məşqçi hesabat verərək iclası erkən tərk edəndə çoxları onun artıq millimizlə bağlılığının sona çatdığını düşünürdü.
Ancaq belə olmadı və komitə üzvləri italiyalının sonuna qədər postunda qalmasına səs verdi. Onlardan bəziləri məşqçiyə daha bir şans verildiyini bəh-bəhlə mətbuata açıqlasalar da, qoca italyanın ölkəmizdə qalmasının başqa səbəbi var.
Bu da müqaviləsində nəzərdə tutulan təzminat məsələsidir. Bizim.Media-nın əldə etdiyi məlumata görə De Byazinin erkən göndərilməsinə görə təzminat məbləği 600 min avrodur (1128000 manat).
Buraya onun koməkçilərinin də alacağı məbləği əlavə etsək məşqçinin istefası AFFA-ya təxminən 2 milyon manata başa gələcəkdi.
Bu isə hazırkı vəziyyətdə böyük rəqəmdir və federasiya məhz bu səbəbdən De Byazini istefaya göndərməkdən vaz keçərək ilin sonuna qədər dözmək qərarına gəlib.
Onlar dözəcək, bəs azarkeşlər necə?
Rəşad Rafiqoğlu, Bizim.Media
- A-
- A
- A+
İdman
12:32 / 15.04.2023
De Byazinin qovulmamasının səbəbi məlum OLDU
Hazırda oxunan: De Byazinin qovulmamasının səbəbi məlum OLDU
Hazırda oxunan: De Byazinin qovulmamasının səbəbi məlum OLDU
130905
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
