Azərbaycan Şahmat Federasiyasının təşkilatçılığı ilə Azərbaycan və Malaziya arasında diplomatik münasibətlərin yaranmasının 30 illiyinə həsr olunmuş silsilə tədbirlər keçirilir.
Bizim.Media xəbər verir ki, bu dəfə Azərbaycan və Malaziya şahmatçıları arasında dostluq görüşü keçirilib.
Ölkəmizin Malayziyadakı fövqəladə və səlahiyyətli səfiri İrfan Davudovun təşəbbüsü ilə reallaşan onlayn oyun maraqlı mübarizə ilə yadda qalıb.
Yarışda Azərbaycanı Fərid Orucov, Tunar Davudov, Səmra Qasımova və Xanım İsmayılova təmsil edib.
Dostluq görüşü 4,5-3,5 hesabı ilə Azərbaycan komandasının xeyrinə başa çatıb. Təmsilçilərimiz arasında ən yaxşı nəticə Xanım İsmayılovaya məxsusdur. Şahmatçımız hər iki görüşündə qələbə qazanıb.
Rəşad Rafiqoğlu, Bizim.Media
