“Qarabağ” braziliyalı ulduzla maraqlanır

“Qarabağ” məşhur braziliyalı futbolçu Oskarla maraqlanır.  

Bizim.Media xəbər verir ki, bu barədə Çin mətbuatı məlumat yayıb.  

Hazırda “Şanqai Port” klubunda çıxış edən yarımmüdafiəçi karyerasını Azərbaycanda davam etdirə bilər. Xəbərdə ağdamlıların Oskarı mövsümün sonuna qədər icarəyə götürmək istədiyi bildirilir. “Çelsi”dən tanıdığımız braziliyalı yarımmüdafiəçinin “Şanqai Port”da özünü xoşbəxt hiss etmədiyi və bu səbəbdən klubdan ayrılmağa müsbət yanaşdığı qeyd olunur. 
Oskarın klubla müqaviləsi 2024-cü ilin noyabr ayına qədərdir. O, bu mövsüm cəmi bir dəfə kubok oyununda meydana çıxıb və bir qol vurub.

Rəşad Rafiqoğlu, Bizim.Media