Şəhid atasının nisyə aldığı gül çələngini xiyabandan oğurlayıblar.
Moderator.az xəbər verir ki, hadisə Mingəçevir şəhindəki Şəhidlər Xiyabanında baş verib.xa0
2016-cı il aprelin 14-də cəbhə bölgəsində şəhid olan gizir Əhmədov Rüstəm Oruc oğlunun məzarı üstünə atası tərəfindən qoyulan gül çələngi bir gün sonra oğurlanıb. Bu haqda saytımıza aprel döyüşlərində şəhid olan baş gizirxa0 Rahim Tağıyevin həyat yoldaşı Vüsalə xanım məlumat verib:xa0
“Şəhidimizin atası Oruc Əhmədov mənə zəng vurub dedi ki, “Qızım, özümü çox pis hiss edirəm. Şəhid oğlumun məzarı üçün aldığım gül çələnginin hələ pulunu verməmişdim ki, bu gün gedib baxıram ki, yerində yoxdu, oğurlayıblar. Onu külək uçurmasın deyə lentlə bağlamışdım və baxdım ki, lentləri də kəsiblər. Bunu edənlər görəsən heç utanmadılarmı ki, bu məzarda uyuyan şəhiddir”.xa0
Qeyd edək ki, Rüstəm Əhmədov 1983-cü ildə Mingəçevir şəhərində anadan olub. 2016-cı il aprelin 14-də cəbhə bölgəsində düşmən təxribatının qarşısını alarkən qəhrəmancasına şəhid olub. Ölümündən sonra ölkə başçısı tərəfindən “Hərbi xidmətdə fərqlənməyə görə” üçüncü dərəcəli medalı ilə təltif edilib. Şəhidimizin Fərda və Nurlan adlı iki övladı yadigar qalıb.
Allah cəmi şəhidlərimizə rəhmət eləsin!
Vasif Əlihüseyn
