.Rusiyada anti-miqrant
kampaniyası davam edir.Moderator.az-ın Rusiyadakı qaynaqlara istinadən
verdiyi xəbərə görə, bu gün Moskvanın "Sadovod" ticarət kompleksində
polis və Federal Miqrasiya Xidmətinin əməkdaşları növbəti reyd keçiriblər. Reyd
zamanı 1000-dən çox miqrant saxlanılıb və polis bölmələrinə aparılıb. Moskvada
yaşayan soydaşımız Teymur Hüseynov bildirib ki, saxlanılanlar əsasən Orta Asiya
Respublikalarının vətəndaşlarıdır. Onun sözlərinə görə, polis saxlanılanlar
arasında azərbaycanlıların olmadığını deyib.
Amma soydaşlarımızın çalışdığı çox
sayda ticarət köşkləri yoxlamalara məruz qalıb. Hətta bəzi obyektlərdə mallar
müsadirə edilib. Qeyri-rəsmi məlumata görə, adıçəkilən ticarət komplektlisində
çalışan Azərbaycan vətəndaşlarını sıxışdırmaq məqsədi ilə belə yoxlama və
reydlər bundan sonra daha intensiv xarakter alacaq.
Əldə etdiyimiz məlumata görə,
"Sadovod" bazarı kimi tanınan ticarət kompleksi yəhudi millətindən
olan iş adamlarına məxsus olduğu üçün mərkəzin bağlanması hələ ki, gündəmdə
deyil: "Amma rəsmi dairələr azərbaycanlıların sxışdırılması üçün bütün
vasitələrdən istifadə etməyə çalışırlar".
