Azərbaycanda keçiriləcək COP29 konfransının xüsusi məkanı - Yaşıl Zona yüksək səviyyəli tədbir təşkilatçılığı və proqramlaşdırma, eləcə də texnoloji innovasiya və qlobal məzmun tərəfdaşlığının vəhdəti sayəsində builki konfransın öz aktuallığını uzun müddət qoruyub saxlamasına böyük töhfə verəcək.
Bizim.Media xəbər verir ki, bütün dünya ilin ən mühüm iqlim tədbiri üçün Bakıda toplaşır və belə bir vaxtda Yaşıl Zona maraqlı tərəflərin iqlim fəaliyyətinə əlavə təkan vermələri üçün qarşılıqlı əlaqə quraraq fikir, təcrübə və bilik mübadiləsi apara biləcəkləri platformaya çevriləcək.
Aparıcı qlobal təşkilatlar tərəfindən məhsul və xidmətlərin nümayişi ilə yanaşı, Yaşıl Zonada həmçinin müxtəlif təqdimatlar, seminar və brifinqlərin, habelə musiqi və mədəniyyət tədbirlərindən ibarət bir sıra məqsədyönlü proqramların keçirilməsi planlaşdırılır.
Pavilyonlar və sərgi stendlərindən ibarət olan, ümumi sahəsi 36 000 m2 sahəni əhatə edən Yaşıl Zona tədbir zamanı Tərəflər Konfransının rəsmi iclaslarının keçiriləcəyi Mavi Zonadan bir neçə yüz metr aralıda yerləşir.
Bu il Yaşıl Zona yeni virtual iştirak kanalları sayəsində öz əhatə dairəsini daha da genişləndirəcək və bu, yüksək karbon emissiyalı səfərlərə olan ehtiyacı minimuma endirməklə yanaşı, COP tədbirini bu layihəyə cəlb edilmiş qlobal auditoriyanın əl telefonlarına, eləcə də kompüter, televizor ekranlarına və qapılarına qədər aparacaq.
Builki Yaşıl Zonanın əsas xüsusiyyətləri aşağıdakıları ehtiva edir:
- Həm Azərbaycandan, həm də müxtəlif dünya ölkələrindən şaquli bizneslərin geniş çeşidini təmsil edən aparıcı özəl sektor nümayəndələri, hökumət təşkilatları, BHT (Beynəlxalq Hökumət Təşkilatları) və QHT-lər iqlim fəaliyyətləri ilə bağlı ən son məhsulları, həll variantlarını və layihə üzrə işlərin gedişatını təqdim və nümayiş etdirəcəklər;
- Nüfuzlu spikerlər, xüsusi seminar və sərgi zonaları, yaradıcı şəxslər üçün studiyalar və şəbəkələşmə sahələri vasitəsilə həm gənclər, həm də digər iştirakçılar arasında əlaqələndirmənin gücləndirilməsinə xidmət edən innovativ “ekstremal görüş” zonası;
- İlk dəfə yayımlanan unikal “Daily show” verilişi: COP29-un mərkəzindən yayımlanan və yüksək səviyyəli qonaqlardan ibarət müxtəlif qrupları, eləcə də dinamik məzmunu özündə əks etdirən unikal veriliş. Bu televeriliş konfrans barədə məlumatların Bakının hüdudlarından xeyli uzaqlarda yayılması üçün bir sıra xəbər agentlikləri vasitəsilə bütün dünyada yayımlanacaq;
- Qabaqcıl texnologiya və canlı yayım xidmətləri: təşkilatların səmərəli iştirakını və əhatə dairəsinin genişləndirilməsini təmin edəcək, onların tədbirin hüdudlarından uzaqlarda yerli, regional və beynəlxalq auditoriyalarla əlaqələndirilməsinə şərait yaradacaq;ˇ
- Peşəkar yayım və audio-vizual məzmunların hazırlanma proseslərinin idarə edilməsi üzrə xidmətlər: tədbir məkanında cərəyan edən hadisələrin məzmununu lentə alaraq sinxron şəkildə yayımlanmasını təmin edəcək;
Artıq bu dinamik mərkəzdə fərdi konfrans və iclas otaqlarını COP29-un onlayn portalında bron etmək mümkündür. Təşkilatlar daha rahat vizual təmas və daha çox fiziki iştirakın təmin olunmasına xidmət edən teatral formatda olan və yüksək dəqiqlikli audio-vizual avadanlıqlarla təchiz olunmuş həm orta, həm də geniş miqyaslı görüş və tədbirlər üçün dizayn edilmiş konfrans otaqlarını bron edə bilər. Bununla yanaşı, dörd, səkkiz və ya on iki nəfərlik qrupların qapalı görüşləri üçün korporativ (B2B) iclas otaqları da mövcuddur. Gözlənilən yüksək tələbatı nəzərə alaraq, iclas otaqlarının ayrılması zamanı COP29-un tərəfdaşları və sərgi iştirakçılarına üstünlük veriləcək.
İctimaiyyət nümayəndələri iqlim sahəsində aparıcı simaları və tərəfdaşları dinləmək, həmçinin iqlim müzakirəsinə fikir bildirməklə töhfə vermək üçün Yaşıl Zonada iştiraka dəvət olunacaqlar.
Ödənişsiz biletlərin noyabrın əvvəlindən etibarən əldə edilməsi mümkün olacaq.
Yaşıl Zonanın qurulmasını şərh edən COP29 Azərbaycan Əməliyyat Şirkətinin İdarə Heyətinin sədri və Əməliyyatlar üzrə baş icraçı Nərmin Carçalova bunları bildirib: “Dünyanın ən əhəmiyyətli iqlim konfransı kimi tanınan COP29 dayanıqlı və davamlı gələcəyə nail olmaq üçün beynəlxalq iqlim siyasətinin müzakirəsi, iqlimlə bağlı fəaliyyətlərin inkişafı və qlobal əməkdaşlığın təşviqi üçün əsas platforma rolunu oynayacaq. Builki Yaşıl Zona ilə bağlı planlarımız həm özəl, həm də dövlət sektorlarını təmsil edən təşkilatlara iqlim fəaliyyətinə əlavə təkan vermək məqsədilə bir-birləri ilə əlaqə quraraq fikir, təcrübə və bilik mübadiləsi aparmaq üçün müxtəlif ideal imkanlar təqdim edir.”
Bizim.Media
![Yaşıl Zona Cop29 çərçivəsində özəl sektorun inkişafını sürətləndirmək əzmindədir Yaşıl Zona Cop29 çərçivəsində özəl sektorun inkişafını sürətləndirmək əzmindədir](https://bizim.media/file/articles/2024/09/05/1725551383_5389083470350902832.jpg)
- A-
- A
- A+
COP29
19:49 / 05.09.2024
Yaşıl Zona Cop29 çərçivəsində özəl sektorun inkişafını sürətləndirmək əzmindədir
Hazırda oxunan: Yaşıl Zona Cop29 çərçivəsində özəl sektorun inkişafını sürətləndirmək əzmindədir
Hazırda oxunan: Yaşıl Zona Cop29 çərçivəsində özəl sektorun inkişafını sürətləndirmək əzmindədir
210161
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.