Doğma Kəlbəcərim, Laçınım mənim
Göylərdən şığımır ovunun üstə,
Kor olub tərlanım, laçınım mənim.
Hələ də inləyir düşmən əlində
Doğma Kəlbəcərim, Laçınım mənim.
İlahi ən əziz bəndəsi sandı
Könüllər od aldı, ürəklər yandı.
Uyuyur torpaqda gör nə zamandı
Oxumur Məhəbbət "Laçınım mənim".
Yoxdu bərabəri, yoxdu bəsidi
Səxavət, naşükür olma, bəsidi.
Ruhumun qidası onun səsidi
Var olsun Fədayə Laçınım mənim.
