“İran hərbi qüvvələri əllərini daha çox qana bulaşdırmasınlar” – Fərəh Pəhləvi 

“Mən bir ana adı ilə bütün polis qüvvələrinə, orduya, SEPAH, “bəsicilərə”, mülki geyimli hökumət güclərinə və hər hansı düşüncəyə sahib olan digərlərindən xahiş edirəm ki, əllərini öz həmyerli gənclərinin qanına daha çox bulaşdırmasınlar”.  

Bizim.Media “Azad İran” “Telegram” kanalına istinadən xəbər verir ki, bunu İranın keçmiş şahının həyat yoldaşı Fərəh Pəhləvi bu gün yaydığı müraciətdə bildirib. 

O, İranda ordu və təhlükəsizlik qüvvələrini öz həmvətənlərini təqib etməyi və onların qanını tökməyi dayandırmağa səsləyib.  

İranın sonuncu kraliçası etirazçılara da xitabən bildirib:

“Narahatlıq və ümidlə mən sizin dastanlarınızı aldanmış qara qüvvələrlə qarşıdurmada, saatbasaat izləyirəm”. 

Bizim.Media