Rusiya Ermənistana silah verməkdən İMTİNA ETDİ

Hazırda oxunan: Rusiya Ermənistana silah verməkdən İMTİNA ETDİ

92712

“Ermənistan bu gün Rusiyaya ciddi məbləğ ödəyib, lakin bizə silah verilməyib. Mən bu faktı deyirəm, qoy hakimiyyət desin ki, bu, doğru deyil”.

Bizim.Media “aravot-ru.am” saytına istinadən xəbər verir ki, bu fikirləri “Respublika” partiyasının sədri Aram Sarkisyan “A1+” telekanalına müsahibəsində bildirib.

O, əlavə edib ki, Ukrayna ilə müharibədə Rusiyanın özü başqa ölkələrdən silah almağa çalışır.

Aram Sarkisyanın fikrincə, Ermənistan KTMT-dən çıxmalıdır ki, başqa ölkələrdən silah ala bilsin.

44 günlük müharibəyə toxunan Aram Sarkisyan deyib ki, oktyabrın 17-də Nikol Paşinyandan sənəddə anklavların (Qazaxın 7 kəndi və Naxçıvanın Kərki kəndi) təhvil verilməsinə və Zəngəzur dəhlizinin ayrılmasına razılığın olması tələb olunub, əks halda Xankəndinə daxil olacaqları ilə hədələyiblər.
“Paşinyan bununla razılaşmayıb. Noyabrın 9-da isə bu sənəd təqdim olunub”, - deyə Aram Sarkisyan bildirib.

Bizim.Media