Vuçiç yenidən Serbiyanın prezidenti oldu – YEKUN NƏTİCƏ

Serbiyada keçirilən prezident seçkilərində hazırkı dövlət başçısı Aleksandr Vuçiç qalib gəlib. O, 58,59 faiz səs toplayıb.

Bizim.Media xəbər verir ki, bu barədə RİA Novosti Respublika Seçki Komissiyasının yekun məlumatlarına istinadən xəbər verir.

Aprelin 3-də Serbiyada keçirilmiş prezident seçkilərinin yekun nəticələri RSK-nın açıq iclasında şikayətlərə baxıldıqdan və bir neçə seçki məntəqəsində təkrar səsvermə keçirildikdən sonra təsdiq edilib.

Seçicilərin 58 faizindən çoxu səsvermə hüququndan istifadə edib.

RSK-nın məlumatına görə, hazırkı prezident Aleksandr Vuçiç 58,59 faiz, onun ən yaxın rəqibi Zdravko Ponos isə 18,39 faiz səs toplayıb. Aprelin 4-nə keçən gecə Vuçiç artıq ilk raundda qələbəsini elan etmişdi.

Bundan əvvəl prezident Vuçiç bildirib ki, Serbiya sanksiyalara fərqli münasibət göstərməsinə baxmayaraq, qətiyyətlə Avropa İttifaqına doğru gedir.

Bizim.Media