ABŞ-da daha bir QALMAQAL: Hərbçilər məxfi məlumatları rəqqasəyə ötürüb

San-Dieqoda fəaliyyət göstərən və sosial şəbəkələrdə 900 minə yaxın izləyicisi olan Charm Daze adlı striptiz rəqqasəsi emosional video paylaşaraq yaxınlıqdakı hərbi bazalardan gələn bir qrup amerikalı hərbçinin “ruh düşkünlüyü” yaşadığını bildirib.

Onun sözlərinə görə, bəzi hərbçilər gələn həftə ezamiyyətə yollanacaqlarını deyiblər.

Bizim.Media xəbər verir ki, bu barədə New York Post yazıb.

Charm Daze videoda deyib ki, son vaxtlar hərbçilər kluba gəlib bütün pullarını xərcləyirlər və zahirən əylənməyə çalışsalar da, onlarda narahatlıq hiss olunur.

O bildirib ki, həmin şəxslər çox gəncdir və onların vəziyyəti onda emosional təsir yaradıb.

Məlumata görə, rəqqasənin paylaşımı sosial şəbəkələrdə sürətlə yayılıb və iki cür reaksiya doğurub.

Bir tərəf bunu mümkün ezamiyyət ərəfəsində psixoloji gərginlik yaşayan gənc əsgərlərin insani tərəfi kimi qiymətləndirib.

Digər tərəf isə hərbçilərin belə söhbətlərlə əməliyyat təhlükəsizliyi qaydalarını (OPSEC) poza biləcəyini vurğulayıb.

Hazırda bu iddialarla bağlı rəsmi hərbi açıqlama görünmür.

Buna görə məlumat daha çox sosial şəbəkədə yayılan video və onu tirajlayan media materiallarına əsaslanır.

Bizim.Media