Rusiya prezidentinin mətbuat katibi Dmitri Peskov bildirib ki, Rusiya prezidenti Vladimir Putin bu gün, fevralın 14-də xarici işlər naziri Sergey Lavrov və müdafiə naziri Sergey Şoyqu ilə ayrı-ayrılıqda görüşlər keçirəcək.
Bizim.Media Rusiya mətbuatına istinadən xəbər verir ki, Kremldəki görüşlərin mövzuları açıqlanmayıb.
“Bu gün o, xarici işlər naziri Lavrov və müdafiə naziri Şoyqu ilə görüşəcək. Görüşləri göstərəcəyik, onlar sizin üçün əlçatan olacaq”. "Kommersant" qəzeti Dmitri Peskovun dediklərindən sitat gətirib.
Peskov jurnalistin “Bu görüşlərdən sonra Qərb tərəfdaşlarının yaxın gələcəkdə təhlükəsizlik zəmanəti ilə bağlı təkliflərinə Rusiyanın cavabı göndəriləcəkmi?” sualına belə cavab verib:
“Gəlin görüşü gözləyək, sonra bu haqda danışaq, hadisələri qabaqlamayaq”.
Bizim.Media
