Kürdlərin 15 ictimai xadimi Suriya prezidenti ilə qapalı görüş keçirdi

Suriyanın şimalındakı Kobani şəhərindən olan 15 nüfuzlu kürd ictimai xadimi prezident Əhməd əş-Şaraa ilə qapalı görüş keçirib.

Bizim.Media xəbər verir ki, bu barədə kürd mənbələri Middle East Eye nəşrinə məlumat verib.

Görüş ötən həftənin əvvəlində baş tutub.

Mənbələrin bildirdiyinə görə, iştirakçılar arasında kürdlərin müxtəlif siyasi cərəyanlarını təmsil edən şəxslər, o cümlədən kürd “Suriya Demokratik Qüvvələri”nin tərəfdarları və əleyhdarları da olub.

Görüş zamanı Suriya lideri kürdlərin vətəndaş və mədəni hüquqlarının tanınmasına dair bu yaxınlarda elan etdiyi bəyannamənin tam icrasının vacibliyini vurğulayıb. O, bütün kürdlərlə əməkdaşlığa hazır olduğunu bildirib və yeni Suriya dövlətinin kürdlərin hüquqlarını qoruyacağını dəfələrlə bəyan edib.

Bizim.Media