ABŞ prezidenti Donald Tramp Venesuelanın yeni rəhbəri Delsi Rodrigezin “səhv addım” atacağı təqdirdə onun üçün nəticələrin Nikolas Maduroya tətbiq edilən tədbirlərdən daha sərt ola biləcəyini bildirib.
Bizim.Media xəbər verir ki, bu barədə "The Atlantic" məlumat yayıb.
Trampın sözlərinə görə, Vaşinqton Venesueladakı prosesləri diqqətlə izləyir və ölkənin yeni rəhbərliyinin addımlarına sərt reaksiya verə bilər.
Qeyd edək ki, Delsi Rodrigez Venesuelada müvəqqəti olaraq dövlət başçısının səlahiyyətlərini icra etməyə başlayıb.
O, ilk çıxışında Venesuelanın heç vaxt kiminsə müstəmləkəsi olmayacağını bəyan edib, Nikolas Maduronun həyat yoldaşı ilə birlikdə azad edilməsini tələb edib və məhz Maduronu ölkənin legitim prezidenti hesab etdiyini bildirib.
Bizim.Media
