İtaliyanın şimalındakı Stelvio Milli Parkında 200 milyon ildən çox yaşı olduğu təxmin edilən minlərlə dinozavrın ayaq izi aşkar edilib.
Bizim.Media xəbər verir ki, İtaliya mətbuatının məlumatına görə, izlər sentyabr ayında təbiət fotoqrafı tərəfindən aşkar edilib və ilk dəfə bu gün keçirilən mətbuat konfransında ictimaiyyətlə paylaşılıb.
Yüzlərlə metr uzanan bu izlərin 200 milyon ildən çox yaşı olduğu təxmin edilir. Yüksək hündürlükdə yerləşməsinə baxmayaraq, bu qalıqlar yaxşı qorunub saxlanılıb və barmaq ilə caynaq izləri aydın görünür.
Onun "prosauropod" növü olduğu düşünülür.
Şəkillərin ilkin təhlilləri göstərir ki, izlər Trias dövrünün sonlarında yaşamış uzunboyunlu, kiçik başlı ot yeyən "prosauropod" dinozavrlarına aid ola bilər. Milandakı Təbiət Tarixi Muzeyi və İtaliyadakı Berqamo Universiteti də izlərin aşkar edildiyi ərazini "Avropa qitəsində tapılan Trias dövrünə aid ən vacib fosil yeri" kimi təsvir edib.
Qeyd edilib ki, əraziyə piyada getmək mümkün olmadığı üçün izlərin daha əhatəli araşdırılması üçün pilotsuz uçuş aparatları və məsafədən zondlama texnologiyalarından istifadə olunacaq.
Bizim.Media
