Rusiya vətəndaşı Maksim Nikitenko Ermənistanda I əsrə aid Qarni məbədinin divarlarını boya ilə batırıb.
Rusiyalı turist aerozol balonu ilə məbədin divarlarına "Dünyada büt heç nədir" sözlərini yazıb. Hadisəni məbədi gəzən digər turistlər görüb və mühafizəyə xəbər veriblər. Rus turist saxlanaraq yerli hüquq-mühafizə orqanlarına təhvil verilib.
Nikitenko Qarni kəndində polisə ifadə verib. 23 yaşlı oğlan tutduğu əməldə peşman olmadığını bildirib. Onu 5 min rubl (130 dollar) cərimə ediblər.
Ermənilər hər yerdə Qarni məbədini erməni abidəsi kimi təqdim etsələr də, əslində, abidə Parfiya hakimi Trdat tərəfindən tikilib. Abidənin üzərində yunanca yazılan mətndə məbədin Günəşə həsr edildiyi bildirilir.
Eradan əvvəl 3-cü əsrdə İranda hakimiyəti ələ keçirmiş Orta Asiya köçəriləri - parfiyalılar Tək Tanrıya ibadət edirdilər və Tanrının rəmzi kimi Günəşi qəbul edirdilər.(ans)
