Prezident Rəcəb Tayyib Ərdoğan ilə İsrail Prezidenti İsaak Hersoq arasında telefon danışığı olub.
Bizim.Media “Haberler.com” saytına istinadən xəbər verir ki, regional məsələlərin müzakirə edildiyi görüşdə prezident Ərdoğanın evini izləməkdə təqsirli bilinərək saxlanılan və sonradan sərbəst buraxılan israilli cütlük də müzakirə edilib.
Bu səbəbdən Hersoq Ərdoğana təşəkkür edib.
Görüşdə Türkiyə-İsrail münasibətləri və regional məsələlər də müzakirə predmeti olub. Türkiyə-İsrail əlaqələrinin Yaxın Şərqin təhlükəsizliyi və sabitliyi üçün də əhəmiyyətli olduğunu deyən prezident Ərdoğan, həm ikitərəfli, həm də regional məsələlərdə qarşılıqlı anlaşma olduğu təqdirdə fikir ayrılıqlarının minimuma endirilə biləcəyini ifadə edib.Bölgədə sülh, tolerantlıq və
birgəyaşayış mədəniyyətinin yenidən qurulmasının vacib olduğunu vurğulayan prezident Ərdoğan, bu baxımdan Fələstin-İsrail əlaqələrinin inkişafı və sülh prosesinin bərpasının prioritet olduğunu bildirib.
Ərdoğan Türkiyə ilə İsrail arasında təmas və dialoqun davam etdirilməsinin ortaq maraqlara uyğun olduğunu qeyd edib.
Bizim.Media
