“WatsApp”ın sahibi Sindi Kroufordun mülkünü aldı

Populyar supermodel və iş qadını Sindi Krouford Beverli-Hillzdəki mülkünü satıb.

Bizim.Media xəbər verir ki, bu barədə informasiyanı “New York Post” nəşri yayıb.

Dəbdəbəli malikanənin “WatsApp” messencerinin sahiblərindən biri olan Ukrayna mənşəli proqramçı Yan Kum tərəfindən alındığı bildirilib. O, daşınmaz əmlaka görə, 13,5 milyon dollar ödəyib.

500 kv/m sahəsi olan evin 5 yataq və 5 hamam otağı var.

Qeyd olunub ki, supermodel sözügedən mülkü 2017-ci ildə 11,62 milyon dollara əldə edib.

Bizim.Media