Əfqanıstanda internet qismən bərpa olundu – Sakinlər bayram edirlər

Əfqanıstan sakinləri ölkədə təxminən iki gün müddətinə bağlanan internetə yenidən çıxışın bərpasını qeyd etmək üçün küçələrə çıxıblar.

Bizim.Media xəbər verir ki, yerli jurnalistlərin və NetBlocks şəbəkə monitorinq xidmətinin məlumatlarına görə, ölkədə internetin “qismən bərpası” müşahidə olunur.
Kabildə yüzlərlə insan küçələrə çıxaraq bu hadisəni qeyd edib.

“Hər kəs xoşbəxtdir, mobil telefonlarını tutub yaxınları ilə danışırlar,” — BBC yerli sakinlərdən birinin sözlərindən sitat gətirib.

Xatırladaq ki, 30 sentyabrda Əfqanıstanın bütün ərazisində internetin tamamilə bağlanması barədə məlumat yayıldı. 2021-ci ildən hakimiyyətdə olan “Taliban” hərəkatı əvvəllər internetin müəyyən əyalətdə məhdudlaşdırılmasını “əxlaqsızlığın qarşısını almaq” zərurəti ilə izah etmişdi. Lakin internetin tamamilə bağlanmasının səbəbləri hakimiyyət tərəfindən açıqlanmamışdı.

Bizim.Media