Çin alimləri unikal sümük yapışdırıcısı hazırlayıblar.
Bizim.Media xəbər verir ki, bu vasitə mürəkkəb sınıqların müalicəsinə yanaşmanı dəyişə bilər.
Preparat cərrahlara metal implantlardan istifadə etmədən əməliyyat aparmağa imkan verir və xəstələrin bərpa prosesini sürətləndirir.
China Daily nəşrinin məlumatına görə, yeni yapışdırıcı çox təsirli nəticələr göstərib. Materialın yapışma gücü 200 kiloqramdan çoxdur və onun tətbiqi cəmi bir dəqiqə vaxt aparır.
Yapışdırıcının əsası bioloji parçalanan materialdan ibarətdir. Bu maddə sümüklər bitişdikcə təxminən altı ay ərzində orqanizmdə tədricən sorulur.
İxtiranın effektivliyi 150 xəstənin iştirakı ilə aparılan sınaqlarla təsdiqlənib.
Bizim.Media
