Putindən Çinə gözlənilməz “HƏDİYYƏ”

Putindən Çinə gözlənilməz “HƏDİYYƏ”

Hazırda oxunan: Putindən Çinə gözlənilməz “HƏDİYYƏ”

267601

Rusiya prezidenti Vladimir Putin Şanxay Əməkdaşlıq Təşkilatının (ŞƏT) sammiti və hərbi paradda iştirak etmək üçün Çinə çoxgünlük səfəri ərəfəsində Pekinə “gözlənilməz hədiyyə” edib. 

Bizim.Media xəbər verir ki, bu barədə Çinin “Sohu” nəşri məlumat yayıb.
 

Məlumata görə, söhbət Rusiyanın Çinə aviasiya mühərrikləri ixracına razılıq verməsindən gedir. Qeyd olunur ki, Putinlə Pekin arasında yaxın münasibətləri əks etdirən bu səfər həm də məhz bu “xüsusi hədiyyə” ilə diqqət çəkib.


Rusiya tərəfinin aviamühərrikləri ilə bağlı təklifini “Rostex”in rəhbəri Sergey Çemezov səsləndirib. O, Pekin tərəfindən rəsmi sorğu daxil olacağı halda Çinə PD-14, PD-8 və gələcəkdə istifadəyə veriləcək PD-35 mühərriklərinin tədarükünə hazır olduqlarını bildirib.

Nəşr yazır ki, bu təklif xüsusilə ABŞ texnologiyalarının tədarükündə məhdudiyyətlərlə üzləşən Çin təyyarə istehsalı proqramı COMAC C919 üçün böyük əhəmiyyət kəsb edir.

Qeyd edək ki, Çinin Tyanjin şəhərində avqustun 31-dən sentyabrın 1-dək keçiriləcək ŞƏT sammitində 20-dən çox dövlət başçısı və 10 beynəlxalq təşkilatın nümayəndələri iştirak edəcək.

Bizim.Media

© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.

XƏBƏR LENTİ

Xəbərin mətnində orfoqrafik səhv var

Qeydinizi daxil edin

RADİO