Trampdan dünyanın taleyini dəyişdirəcək ADDIM – “Xaos imperatoru”nun SONU YAXINLAŞIR

ABŞ Prezidenti Donald Tramp dünya siyasətinə təsir edə biləcək daha bir mühüm addım atmaq niyyətindədir.

Belə ki, Tramp etdiyi son paylaşımda milyarder Corc Soros və onun oğlunun ölkədəki etiraz aksiyalarına dəstəyinə görə məsuliyyətə cəlb edilməli olduğunu bəyan edib.

O qeyd edib ki, Corc Soros və onun “mükəmməl” radikal-solçu oğlu ABŞ ərazisində zorakı etirazlara və digər qanunsuz hərəkətlərə dəstəyə görə RICO qanunu çərçivəsində ittiham olunmalıdır:

“Biz bu dəlinin Amerikamızı parçalamağına, onun “nəfəs almasına” və azad olmasına imkan verməyəcəyik. Soros və onun psixopat qrupu ölkəmizə böyük zərər vurub. Ehtiyatlı olun, biz sizi izləyirik!”, – deyə Tramp bildirib.

Qeyd edək ki, Corc Soros bir sıra ölkələrdə etiraz aksiyalarının və rəngli inqilabların əsas maliyyəçisi kimi tanınır. Görünən odur ki, artıq Sorosun da sonu yaxınlaşır.

Bəs, Tramp Sorosu həbs edərsə, bua ddım dünyanı necə dəyişəcək?

Mövzu ilə bağlı Bizim.Media-ya açıqlamasında AVP sədri Fəzail Ağamalı bildirdi ki, bu hadisə baş verərsə, dünya miqyasında çox ciddi rezonans doğuracaq:

“Sorosun həbsi yeni situasiya yaradacaq. Sorosun həbsinə həqiqətən qərar verilsəvə bu reallaşsa dünya düzənində tamamilə fərqli və yeni situasiyanın əsası qoyulacaq. Rəngli inqilabların müəllifi və sponsoru kimi tanınan Soros əslində bu vasitə ilə dünyanın ən müxtəlif region və dövlətlərində böyük kataklizmlər yaşadıb, xaosa səbəb olub. Bu bir həqiqətdir”.

Bu addım Trampın reytinqini də yüksəldəcək.

Partiya sədrinin fikrincə, Tramp bu addımı atmaqla eyni zamanda dünya miqyasında öz nüfuzunu daha da gücləndirəcək:

“Ayrı-ayrı dövlət və xalqların demokratik prinsiplərə söykənən, sülhə əsaslanan, aqressiv münasibətlərdən uzaq olan bir dünyanın yaradıcısı kimi tarixə düşəcək. Yəni, Sorosun həbsi təkcə dünya miqyasında ciddi hadisə kimi qiymətləndirilməyəcək, eyni zamanda, onun nəticələri ən müxtəlif şəkildə gündəliyi zəbt edəcək”.

Rüfət Sultan, Bizim.Media