Dünyanın ən ağır insanı adlandırılan Xalid bin Mohsen Şaari Səudiyyə Ərəbistanının keçmiş kralı sayəsində 542 kq arıqlayıb. 2013-cü ildə onun çəkisi 610 kq olub. Həmin vaxt üç ildən artıq yataq xəstəsi olan Xalid artıq ölüm-dirim astanasında idi.
Sfera.az bildirir ki, Kral Abdulla çətin vəziyyətə düşmüş Xalidin həyatını xilas etmək üçün hərtərəfli bir planla müdaxilə edib.
Xalidin vəziyyəti o qədər pisləşib ki, o, hətta ən əsas ehtiyacları üçün də tamamilə dostlarından və ailəsindən asılı olub.
Onu xüsusi hazırlanmış çarpayıdan istifadə etməklə Cazandakı evindən Ər-Riyaddakı King Fahad Tibb Mərkəzinə aparıblar.
30 həkimdən ibarət komanda Xalid üçün pulsuz olaraq ciddi müalicə rejimi hazırlayıb. Mədəkiçilmə əməliyyatı keçirən Xalidə fərdi pəhriz və məşq planı hazırlanıb. O, hərəkətliliyin bərpasına yönəlmiş intensiv fiziki terapiya seanslarına yazılıb.
Adam inanılmaz nəticələr görüb, cəmi altı ay ərzində çəkisinin demək olar ki, yarısını itirib. 2023-cü ilə qədər 542 kq arıqlayan Xalidin çəkisi indi 63,5 kq-dır.
Xalidin dəyişimi o qədər dramatik olub ki, artıq dərini çıxarmaq üçün bir neçə cərrahiyyə əməliyyatına ehtiyac duyulub. Qeyd edək ki, dərinin yeni bədən formasına uyğunlaşmağa vaxtı olmadığı üçün çox artıq çəki itirən insanlar üçün bu ümumi prosedurdur.
Bu gün Xalid bin Mohsen Şaari “gülümsəyən adam" kimi tanınır. Bu ləqəbi ona heyrətamiz dəyişimin şahidi olan tibb işçiləri veriblər.
Aynil
