Azərbaycan Respublikasının Prezidenti İlham Əliyev sentyabrın 18-də Masallı Sənaye Məhəlləsinin açılışında iştirak edib.
Moderator.az xəbər verir ki, dövlət başçısı Sənaye Məhəlləsində "Azərxalça" Açıq Səhmdar Cəmiyyəti tərəfindən yaradılmış Xalçaçılıq üzrə Təlim-Tədris Mərkəzi ilə də tanış olub. Mərkəzin fəaliyyət sahəsi xalçaçılıq üzrə tədris-hazırlıq kurslarının təşkilidir. Bildirilib ki, mərkəzdə 50-dən 150-dək yerli sakin xalçaçılıq sənətinə yiyələnəcək. Onlar kursu bitirdikdən sonra müvafiq işlə təmin ediləcəklər. Burada 10 ədəd toxucu dəzgahı quraşdırılıb.































































































