“İran husilərə yardım göndərməyi dərhal dayandırmalıdır, onsuz da onlar məhv ediləcək”.
Bizim.Media xəbər verir ki, bu barədə ABŞ Prezidenti Donald Tramp “TruthSocial” hesabında yazıb.
"Xəbərlər var ki, İran hərbi texnikanın tədarük intensivliyini və husilərə ümumi dəstəyi azaltsa da, hələ də onlara xeyli miqdarda təchizat göndərir. İran bu təchizatları göndərməyi dərhal dayandırmalıdır!
Qoy husilər təkbaşına vuruşsunlar. İstənilən halda itirəcəklər, amma bu yolla daha tez itirəcəklər.
Husi barbarlarına böyük ziyan dəyib və vəziyyətin onlar üçün necə pisləşəcəyini hər kəs görəcək. Bunu hətta ədalətli mübarizə adlandırmaq olmaz və heç vaxt olmayacaq. Onlar tamamilə məhv olacaqlar!” - Tramp yazıb.
Bizim.Media
