Trampın inauqurasiya mərasimində qonaqlara rus şərabı VERİLİB?

ABŞ prezidenti Donald Trampın andiçmə mərasimində iştirak edənlərə rus adı olan şərab verilib.

Bizim.Media xəbər verir ki, bu barədə CNN-in jurnalisti Eleyna Trin sosial şəbəkədə yazıb.

“Bugünkü andiçmənin nahar menyusu. "Korbel Russian River Valley Natural" (Rus çayı vadisindən köpüklü şərab – red.)” paylaşımda deyilir.

Trin şərabın desertlə verildiyini qeyd edib.

Qeyd edək ki, "Korbel Russian River Valley Natural" şərabları ABŞ-ın Kaliforniya ştatında istehsal olunur.

Xatırladaq ki, Tramp bazar ertəsi Kapitoliyada keçirilən inauqurasiya mərasimində and içərək ABŞ prezidenti kimi rəsmi olaraq vəzifəsinin icrasına başlayıb.

O, 2017-ci ildən 2021-ci ilə qədər ilk dəfə bu vəzifədə olub və 2024-cü il noyabrın 5-də keçirilən seçkilərdə qalib gəldikdən sonra yenidən vəzifəsini bərpa edib.

Yeri gəlmişkən, Tramp 19-cu əsrdən bəri dörd illik fasilədən sonra Ağ Evə qayıdan ilk ABŞ siyasətçisi olub.

Bizim.Media