Rusiyanın paytaxtında kişi qadın və uşağı evin pəncərəsindən atıb, hər ikisi ölüb.
Bizim.Media TASS-a istinadən xəbər verir ki, bu barədə informasiyanı Moskva üzrə Baş İstintaq İdarəsinin mətbuat xidməti yayıb.
Mənbə yazır ki, insidentlə bağlı cinayət işi açılıb.
İstintaq qeyd edib ki, avqustun 25-də Moskvanın Krasnokazarmennaya küçəsində yerləşən yaşayış binasının yaxınlığında hündürlükdən yıxılaraq xəsarətlər olan qadın və uşaq meyitləri aşkar edilib.
Hazırda paytaxtın İstintaq Komitəsinin müstəntiqləri hadisə yerində işləyir.
Hüquq-mühafizə orqanları bildirib ki, qadını və azyaşlı uşağı mənzilin pəncərəsindən atdığı iddia edilən şəxs əşyaları yerə atmaqda davam edir. “Fövqəladə vəziyyətin baş verdiyi mənzilə hələ də daxil olmaq mümkün olmayıb”, - deyə agentliyin həmsöhbəti bildirib. Ehtimal olunur ki, kişi qeyri-adekvat vəziyyətdədir.
Bizim.Media
