Peskov: “Tramp prezident seçilsə, Rusiyaya heç bir təsiri olmayacaq”

Hazırda oxunan: Peskov: “Tramp prezident seçilsə, Rusiyaya heç bir təsiri olmayacaq”

203706

“ABŞ prezidentliyinə namizədlərdən biri Donald Tramp rusofobiyadan tamamilə əziyyət çəkən ABŞ siyasi elitasının nümayəndəsidir”.

Bizim.Media TASS-a istinadən xəbər verir ki, bunu Rusiya prezidentinin mətbuat katibi Dmitri Peskov ABŞ-ın keçmiş dövlət katibi Mayk Pompeonun Ukraynaya yardımla bağlı açıqlamalarını şərh edərkən deyib.

Peskov xatırladıb ki, ABŞ-ın Rusiyaya qarşı sanksiya yarışı Trampın prezidentliyi dövründə başlayıb:

"Biz heç vaxt çəhrayı eynək taxmamışıq və taxmırıq. ABŞ prezidentliyinə namizədlərdən biri Donald Tramp indi rusofobiyadan tamamilə əziyyət çəkən ABŞ siyasi elitasının nümayəndəsidir. Bu baxımdan Tramp bizim üçün digərlərindən o qədər də fərqlənmir, bəlkə də dialoq kanallarını saxlamaq üçün bir az daha siyasi müdriklik nümayiş etdirir, lakin de-fakto bunun heç nəyə o qədər də təsiri yoxdur”.

Qeyd edək ki, M.Pompeo “The Wall Street Journal”a müsahibəsinə Trampın prezident seçkilərində qalib gələcəyi təqdirdə Kiyevə silah tədarükünü artırmaq üçün Ukrayna üçün 500 milyard dollar məbləğində dəstək proqramı hazırlaya biləcəyini deyib.
Bundan əvvəl Tramp bildirib ki, prezident seçkilərində qalib gəlsə, hətta andiçmə mərasimindən əvvəl də Ukraynadakı münaqişəni tez həll edəcək.

Bizim.Media