Rusiyanın Federal Penitensiar Xidmətinin Rostov vilayətində yerləşən 1 saylı istintaq təcridxanasında saxlanılan beş məhkum cəzaçəkmə müəssisəsinin iki əməkdaşını girov götürüb.
Bizim.Media xəbər verir ki, bununla bağlı videogörüntülər 112 “Telegram” kanallarında yayılıb.
Məlumata görə, 5 təqsirləndirilən şəxs istintaq təcridxanasındakı kameranın pəncərə barmaqlıqlarını sındıraraq növbətçi otağına daxil olaraq Federal Penitensiar Xidmətin əməkdaşlarını - əməliyyat idarəsinin rəisi polkovnik-leytenant Aleksandr B. və kiçik inspektoru girov götürüblər.
İstintaq təcridxanasının növbətçi xidmətinin məlumatına görə, cinayətkarlar arasında artıq “terrorçuluq” maddəsi ilə məhkum olunmuş bir neçə nəfər də var.
![](http://ssl.bizim.media/file/articles/2024/06/16/1718530589_photo1718530498.jpeg)
![](http://ssl.bizim.media/file/articles/2024/06/16/1718530604_photo1718530498-2.jpeg)
![](http://ssl.bizim.media/file/articles/2024/06/16/1718530564_photo1718530498-1.jpeg)
Bizim.Media