İranda koronavirusla bağlı son vəziyyət

İranda son sutka ərzində koronavirusa 18 230 yoluxma faktı qeydə alınıb, 374 nəfər vəfat edib.

Bizim.Media xəbər verir ki, bu barədə İran Səhiyyə Nazirliyinin sözçüsü Sima Sadat Lari məlumat verib.

O bildirib ki, İranda bu günə qədər koronavirusdan ölənlərin ümumi sayı 69 120 nəfərə, virusa yoluxanların sayı isə 2 milyon 377 039 nəfərə çatıb.

İranda bu günə kimi 1 milyon 863 min 405 nəfər xəstəlikdən tam sağalaraq evə buraxılıb.

İnfeksiyaya yoluxan və hazırda xüsusi rejimli xəstəxanaların intensiv terapiya şöbələrində müalicəsini davam etdirən 5156 nəfərin vəziyyəti ağırdır.

Bizim.Media