Rusiyanın Sankt-Peterburq şəhərinin limanında “Ermak” buzqıran gəmisində yanğın baş verib.
Bizim.Media xəbər verir ki, bu barədə Rusiya Fövqəladə Hallar Nazirliyi məlumat yayıb.
Məlumata görə, yanğın hazırda istismarda olmayan gəminin birinci göyərtəsindəki anbar otağında başlayıb.
Yanğın zamanı xəsarət alan olmayıb.
Qeyd edək ki, "Ermak" buzqıran gəmisi 1974-cü ildə Sudoimport şirkətinin sifarişi ilə Wartsila gəmiqayırma zavodunda (Helsinki, Finlandiya) inşa edilib. Buzqıran gəmi Şimal Dəniz Marşrutu (NSR) boyunca gəmiləri idarə etmək üçün, eləcə də elmi tədqiqatların bir hissəsi kimi fəal şəkildə istifadə olunub.
Bizim.Media
