“Soyuzmultfilm” kinostudiyası Rusiyanın İstintaq Komitəsinə Amerikanın “La Roubine” şirkətinin sovet dövrünün məşhur cizgi filmi olan “Çeburaşka” brendinə olan hüquqlarının qanuniliyini yoxlamaq tələbi ilə müraciət edib.
Bizim.Media xəbər verir ki, bu barədə kinostudiyanın mətbuat xidməti məlumat yayıb.
MÖVZU İLƏ BAĞLI:
Rusiyalı bloqerə bu hərəkətinə görə cinayət işi AÇILDI - VİDEO
Məlumata görə, hazırda müstəntiqlər “La Roubine” ilə bağlanmış müqavilələrin qanuniliyini yoxlayırlar.
Belə ki, Amerika şirkətinin “Çeburaşka” brendindən qeyri-qanuni istifadə etdiyi iddia edilir.
“Soyuzmultfilm” onu da əlavə edib ki, “La Roubine” artıq “Ekran” sovet animasiya filmləri studiyası tərəfindən yaradılmış Pişik Leopold və Balaca yenot cizgi qəhrəmanları üzərində də öz hüquqlarını sübut etməyə çalışırlar.
Bizim.Media
