Türkiyəli diplomatı qətlə yetirən PKK terrorçusu MƏHV EDİLDİ - FOTO

Hazırda oxunan: Türkiyəli diplomatı qətlə yetirən PKK terrorçusu MƏHV EDİLDİ - FOTO

171511

İraqda türkiyəli diplomat Osman Kösenin qətlə yetirildiyi cinayətin iştirakçısı, PKK-çı Renas Derik kod adlı Cəmil Akar Milli Kəşfiyyat Təşkilatı (MİT) və Türkiyə Silahlı Qüvvələrinin İraqın şimalında həyata keçirdiyi birgə hava əməliyyatı nəticəsində zərərsizləşdirilib.

Bizim.Media xəbər verir ki, bu barədə “TRT Haber” məlumat yayıb.

Qeyd edək, Cəmil Akar 2014-cü ilin sonlarında qanunsuz şəkildə Türkiyədən Suriyaya keçib və terror təşkilatının əyalət üzrə üzvlərinə qoşulub.

O, PKK/KCK-nın Xüsusi Qüvvələr adlanan strukturunda fəaliyyət göstərib. O, 2017-ci ildə Mahmurda kəşfiyyat təlimindən keçib. Ərbil hücumundan əvvəl o, digər cinayət iştirakçıları ilə görüşmək və aksiyanı planlaşdırmaq üçün kənddən Mahmur düşərgəsinə gedib.
Xatırladaq ki, 2019-cu ilin iyulun 17-də türkiyəli diplomat Osman Köse İraqın Ərbil şəhərində restoranda terrorçuların hücumuna uğrayaraq şəhid olub.

Bizim.Media