Türkiyənin döyüş təyyarəsinin QİYMƏTİ AÇIQLANDI

Hazırda oxunan: Türkiyənin döyüş təyyarəsinin QİYMƏTİ AÇIQLANDI

134915

Türk Uçak Sanayi Anonim Ortaklığı (TUSAŞ) tərəfindən yaradılan milli döyüş təyyarəsi KAAN-ın qiymətinin 100 milyon dollar (təxminən 2 milyard lirə) olacağı gözlənilir.

Bizim.Media TurkicWorld-a istinadən xəbər verir ki, bu barədə TUSAŞ-ın direktoru Temel Kotil bildirib.

T.Kotil onu da qeyd edib ki, 2029-cu ilə qədər ayda iki təyyarə istehsal ediləcəyi planlaşdırılır və bu da 2,4 milyard dollar edir.

Türk Uçak Sanayi Anonim Ortaklığı (TUSAŞ) tərəfindən yaradılan milli döyüş təyyarəsinin məqsədi ABŞ-dan alınan F-16 və F-35 qırıcı təyyarələrini əvəz etməkdir. Milli Döyüş Təyyarəsinin ilk uçuş testi 2023-cü il martın 16-da keçirilib və uğurla tamamlanıb.

Mayın 1-də Türkiyə prezidenti Rəcəb Tayyib Ərdoğan Ankarada keçirilən “İstikbalin Yüzyılı” proqramında Milli Döyüş Təyyarəsinə KAAN adını verib.

Bundan əlavə, KAAN 2028-ci ildə Türkiyə hərbi hava qüvvələrinin inventarına daxil ediləcək.

Bizim.Media