Yaponiyanın baş naziri Fumio Kisidanın Vakayama şəhərində çıxışa hazırlaşan zaman partlayış baş verib.
Bizim.Media xəbər verir ki, bu barədə “NHK” telekanalı məlumat yayıb.
Siyasətçinin xəsarət almadığı bildirilir. O, ərazidən uzaqlaşdırılıb.
Məlumata görə, partlayış səsi yerli vaxtla saat 11:30-da eşidilib. Partlayış Kisidanın Vakayama şəhərindəki Saigasaki balıqçı limanı turunu bitirdikdən sonra baş verib. Bundan sonra o, ictimaiyyət qarşısında çıxış etməli idi.
Kisidaya tüstü bombası və ya məşəl kimi görünən obyekt atılıb.
Hadisə yerində bir nəfər həbs edilib.
Bizim.Media
