İsrailin Azərbaycandakı səfirliyinin fəaliyyəti BƏRPA OLUNDU 

İsrailin Azərbaycandakı səfirliyi işini qısa müddətə dayandırdıqdan sonra fəaliyyətini bərpa edib. 

Bizim.Media xəbər verir ki, bu barədə səfirliyin məlumatında bildirilib. 

“Tətil bitib və biz normal fəaliyyətə qayıtdıq”, - diplomatik nümayəndəlikdən bildiriblər. 

Qeyd edək ki, İsrailin Baş naziri Benyamin Netanyahu hökumətin məhkəmə islahatının təsdiqini azı yaya qədər dayandıracağını bəyan etməsindən sonra Ümumi Əmək Federasiyasının sədri Arnon Bar-David ölkədə ümummilli tətilin başa çatdığını elan edib.

21.42

İsrailin Azərbaycandakı səfirliyi fəaliyyətini müvəqqəti dayandırıb. 

Bizim.Media xəbər verir ki, İsrail səfirliyi və konsulluğu növbəti xəbərdarlığa qədər müvəqqəti olaraq işləməyəcək. 

Qeyd edək ki, İsraildə Netanyahunun təklif etdiyi məhkəmə islahatları böyük etirazlara səbəb olub. 

Daha öncə İsrailin 6 ölkədə diplomatik nümayəndəlikləri tətil elan edib. 

Bizim.Media