Fövqəladə Hallar Nazirliyinin (FHN) xilasediciləri Kahramanmaraşda 53 nəfəri dağıntılardan sağ çıxarıb.
Bizim.Media xəbər verir ki, bu barədə FHN məlumat yayıb.
Məlumatda qeyd olunur ki, Prezident İlham Əliyevin tapşırığına əsasən, Türkiyədə olan FHN-nin çevik xilasetmə qüvvələri qardaş ölkədə baş vermiş güclü zəlzələnin fəsadlarının aradan qaldırılması və axtarış-xilasetmə əməliyyatlarını fasiləsiz davam etdirirlər.
FHN-in xilasediciləri zəlzələdən ciddi zərər görmüş Kahramanmaraş rayonu ərazisində həyata keçirdikləri axtarış-xilasetmə əməliyyatları nəticəsində dağıntılar altından 53 nəfəri sağ, 691 nəfərin isə cəsədini çıxararaq aidiyyəti üzrə təhvil veriblər.
Bizim.Media
