Oxbridge Akademiyasının şagirdləri Azərbaycana 21 medalla qayıdır - FOTO

9-16 Noyabr tarixlərində ABŞ-ın dünya şöhrətli Yale Universitetində “The World’s Scholar Cup” Beynəlxalq Elm Olimpiadasının yekun turu keçirilib.

Bizim.Media xəbər verir ki, Azərbaycanın nüfuzlu beynəlxalq məktəblərindən olan  Oxbridge Akademiyasının şagirdləri Yale Universitetinin ev sahibliyi etdiyi “The World’s Scholar Cup”ın final mərhələsində iştirak ediblər.

Oxbridge şagirdləri ilk iki turu Bakı və Dubayda keçirilən olimpiadalarda müvəffəqiyyət qazanaraq ABŞ-da keçirilən yekun turda iştiraka nail olub. 

Qeyd edək ki, “The World’s Scholar Cup” hər il 65-dən çox ölkəni təmsil edən 15000-dən çox şagirdin iştirak etdiyi beynəlxalq akademik yarışmadır. 

Azərbaycanı təmsil edən Oxbridge Academiyasının 14 nəfərlik şagird heyəti Yale Universitetində keçirilən yekun mərhələdə Azərbaycana 6 qızıl və 15 gümüş medalla qayıtmağa müvəffəq olub. 

Bizim.Media