AMİP mətbuat və informasiya xidmətindən Moderator.az-a daxil olan məlumatda deyilir:
"Sentyabr ayının 19-da Azərbaycan Milli İstiqlal Partiyasının sədri Yusif Bağırzadənin namizədliyinin qeydə alınması məqsədi ilə sənədləri AMİP səlahiyyətli nümayəndəsi tərəfindən qanunvericiliyə müvafiq qaydada tərtib edilməklə 37 saylı Nizami birinci (Gəncə) seçki dairəsinə təqdim olunmuşdur. Azərbaycan Respublikasının Seçki Məcəlləsin 53.6-cı maddəsinin tələbinə əsasən müvafiq seçki komissiyası təqdim edilmiş sənədlərə 5 gün müddətində baxaraq namizədliyin irəli sürülməsini təsdiq edən qərar verməlidir. Lakin 37 saylı Nizami birinci (Gəncə) seçki dairəsinin sədri Hacıyev Faiq sənədlərin təqdim edildiyi gündən 9 gün !!! keçməsinə baxmayaraq heç bir əsaslı səbəb göstərmədən AMİP sədrinə imza vərəqələri verməkdən imtina etməklə qanunvericiliyi nə namizədin hüquqlarını kobud şəkildə pozur və bununla da ölkə qanunlarına deyil, hansısa qaranlıq dairələrin maraqlarına xidmət etdiyini əcaib formada nümayiş etdirir.
Azərbaycan Milli İstiqlal Partiyası yaranmış vəziyyətdən ciddi narahatlığını ifadə etməklə səlahiyyətli şəxsləri namizədə yaradılan süni problemin aradan qaldırılması üçün təcili addımlar atmağa çağırır bə əks təqdirdə hüquqi və siyasi addımlar atmaq səlahiyyətini özündə saxladığını bəyan edir.
