Düşmən təxribatının qarşısını alarkən şəhid olan daha bir əsgərimiz bu gün axşam saatlarında Neftçala Rayonunun Bankə qəsəbəsində dəfn olunub.
Bizim.Media-nın Cənub bürosunun verdiyi məlumata görə, Abdullayev Elvin Elçin oğlu sentyabr ayının 13-ündə Azərbaycan sərhədində düşmən təxribatına qarşı döyüşlərdə şəhid olub.
Yaxınları ilə vida mərasimindən sonra qəhrəman şəhidimiz şəhidlər xiyabanında dəfn olunub. Dəfn mərasimində şəhidin yaxınları ilə yanaşı, rayon ictimaiyyət nümayəndələri də iştirak edib.
Qeyd edək ki Abdullayev Elvin 2003- cü ildə Neftçala rayonunda anadan olub . Bir il iki ayın əsgəri olan Elçin evin tək oğlu olub.
Elşən Feyzullayev, Bizim.Media
