Salyanda qəzada ölən şəxs Türkiyə vətəndaşıdır

Salyanda qoşqunun altında qalaraq ölənin şəxsiyyəti məlum olub.

Bizim.Media xəbər verir ki, bu, Türkiyə vətəndaşı, 1980-ci il təvəllüdlü Krutas Süleymandır.

MÖVZU İLƏ BAĞLI:

Salyanda yol qəzası: ÖLƏN VAR

İlkin məlumata görə, K.Süleyman idarə etdiyi “Mersedes” markalı yük maşını ilə Ələt-Astara magistralının Salyan rayonu ərazisindən keçən hissəsində hərəkətdə olarkən anidən qoşqunun təkəri partlayıb.

Report.az-ın məlumatına görə, sürücü təkəri dəyişmək məqsədilə yük maşınını yolun təhlükəsiz hissəsinə çıxarıb. Bu zaman qoşqu sürüşüb və sürücü altında sıxılmış vəziyyətdə qalaraq ölüb.

Hadisə yerinə gələn FHN-nin Muğan Regional Mərkəzinin xilasediciləri tərəfindən sıxılmış vəziyyətdə qalan sürücünun meyiti çıxarılaraq aidiyyəti üzrə təhvil verilib.

Faktla bağlı araşdırma aparılır.

Bizim.Media