Zəngilan rayonunda “ağıllı kənd” konsepsiyası əsasında yenidən salınmış Ağalı kəndinə keçmiş məcburi köçkünlərin qayıdışı davam edir.
Bizim.Media xəbər verir ki, sentyabrın 10-da Abşeron rayonunun Masazır kəndindəki “Zəngilan şəhərciyi”ndən yola salınan 13 ailədən ibarət növbəti köç karvanı Ağalı kəndinə çatıb. İyirmi doqquz ildən sonra Vətənə qayıdan zəngilanlıları Ağalı kəndində Şərqi Zəngəzur İqtisadi rayonuna daxil olan Zəngilan rayonunda Azərbaycan Respublikası Prezidentinin xüsusi nümayəndəsi Vahid Hacıyev qarşılayıb.
Onlara Ağalı kəndində yaradılan şərait barədə məlumat verilib.
Qeyd edək ki, Ağalı kəndinə əhalinin köçürülməsi Böyük Qayıdışın ilk qədəmləridir. Ümumilikdə “Ağıllı kənd” konsepsiyasına uyğun qurulan Ağalı kəndinə birinci mərhələdə 41 ailə (201 nəfər), ikinci mərhələdə 25 ailə (125 nəfər) köçürülüb. Ağalıda məskunlaşan sakinlər yüksəkkeyfiyyətli, “ağıllı” texnologiyalarla təchiz edilmiş evlərlə təmin olunublar.
Bizim.Media
- A-
- A
- A+
Cəmiyyət
15:57 / 10.09.2022
Şərqi Zəngəzura QAYIDIŞ: 13 ailə Ağalıya çatdı - FOTO
Hazırda oxunan: Şərqi Zəngəzura QAYIDIŞ: 13 ailə Ağalıya çatdı - FOTO
Hazırda oxunan: Şərqi Zəngəzura QAYIDIŞ: 13 ailə Ağalıya çatdı - FOTO
93121
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
