Bakıda reabilitasiya mərkəzində uşaqlara işgəncə verildiyi haqqında məlumatlar yayılıb.
Bizim.Media xəbər verir ki, bu barədə sosial şəbəkələrdə videogörüntlər paylaşılıb.
Videogörüntülərdə mərkəzin əməkdaşlarının uşaqlara işgəncə verdiyi əks olunub. Azərbaycan Uşaqlar Birliyinin sədri Kəmalə Ağazadə bununla bağlı facebook səhifəsində məlumat paylaşıb.
Hadisənin paytaxtda, Nizami rayonu ərazisində metronun “Neftçilər” stansiyasının yaxınlığında yerləşən "Mehnur" reabilitasiya mərkəzində qeydə alındığı deyilir.
Məsələ ilə bağlı Bizim.Media-ya açıqlama verən DİN-in KİV və ictimaiyyətlə əlaqələr şöbəsinin rəisi Elşad Hacıyev bildirib ki, baş verənlərlə bağlı araşdırmalara başlanılıb.
Səkinə Yusibli, Bizim.Media
