Ən çox hansı xəstəxanalardan ŞİKAYƏT OLUNUB?

“Yaxın dövr ərzində Bakı Baş Səhiyyə Mərkəzinin müəssisələrini əlaqələndirən “Çağrı Mərkəzi”nin yaradılacağı, təmirə ehtiyacı olan bir sıra tibb müəssisələrinin təmiri, tibb müəssisələrinə giriş-çıxış qeydiyyatının elektronlaşdırılması, tibb işçilərinin təminatının, müəssisələrin təchizatının yaxşılaşdırılması üçün işlər görüləcək”.

Bizim.Media xəbər verir ki, bu sözləri Bakı Baş Səhiyyə Mərkəzinin direktoru Elçin Əmirov tibb müəssisələrinin bu ilin 6 aylıq yekun hesabatı ilə bağlı keçirilən iclada deyib.

Eyni zamanda, 13 nömrəli Şəhər Poliklinikasının, 8 nömrəli Uşaq Poliklinikasının, Xocasən Sağlamlıq Mərkəzinin rəhbər şəxsləri sözügedən tibb müəssisələrinin 6 aylıq yekun hesabatı barədə çıxışlar edib, görülən işlər barədə məlumat verib.
İclasda həmçinin bildirilib ki, ən çox şikayət daxil olan müəssisələrin rəhbərlərinə fəaliyyətlərində dönüş yaratmaları üçün bir daha xəbərdarlıq edilib.

Bundan sonra şikayət daxil olan müəssisə rəhbərləri ilə bağlı daha sərt inzibati cəza tədbirlərinin görüləcəyi diqqətə çatdırılıb.

Bizim.Media