Ağdamda sənaye parkı inşa olunur - FOTO

Ağdamda sənaye parkının tikintisi davam edir.  

Bizim.Media-nın Qarabağ bürosu xəbər verir ki, tikinti işlərinin birinci mərhələsi icra edilir.

İlkin mərhələdə 70 hektar ərazidə torpaq səthinin düzlənməsi işləri aparılır ki, burada bir neçə sənaye obyekti qurulacaq. Onlardan biri isə 2.6 hektar ərazidə inşa ediləcək beton emalı zavodu olacaq.  

Bundan başqa ən tez istifadəyə veriləcək olan istehsal obyekti dəmir-beton məmulatlarının istehsalı zavodu olacaq.

Həmçinin parkda 1 hektar sahəni əhatə edən elektirik yarımstansiyası da inşa ediləcək.

Elgün Gəncimsoy, Bizim.Media, Qarabağ bürosu