Xətai rayonu, Əhmədli qəsəbəsi, M.Hadi küçəsində yerləşən çoxmərətəbəli yaşayış binasında baş vermiş yanğın FHN-in Dövlət Yanğından Mühafizə Xidməti və Xüsusi Riskli Xilasetmə Xidmətinin müvafiq qüvvələri tərəfindən söndürülüb.
Hadisə yerində əməliyyat şəraiti qiymətləndirilərkən yanğının binanın 8-ci mərtəbəsində yerləşən mənzildə baş verdiyi müəyyən edilib.
Bildirilir ki, yanğın zamanı 15 bina sakini təxliyə edilib, 4 nəfər xilas olunub. Xilas edilənlərdən ikisi azyaşlı olub.
Hadisə zamanı xəsarət alan olmayıb. Yanğının baş verməsinin ilkin səbəbi elektrik naqillərində baş verən nasazlıq olub.
*** 10.26
Xətai rayonu, Məhəmməd Hadi küçəsi, 45 ünvanda yerləşən çoxmərtəbəli yaşayış binasında yanğın baş verib.
Binadakı mənzillərdən birində baş verən yanğının digər mərtəbələrə də yayılmaq təhlükəsi yaranıb.
Hazırda hadisə yerinə FHN-nin yanğınsöndürmə briqadaları cəlb olunub.
Surxay Atakişiyev, Bizim.Media
