Bu gün Qubanın 70 orta məktəbində 1426 nəfər məzun üçün son zəng çalınıb. Bütün təhsil ocaqlarında məzunların duyğusal anları yaşanıb.
Məzunların görüşünə gələn Quba İH başçısı Ziyəddin Əliyev onları təbrik edərək müstəqil həyatda uğurlar diləyib.
Rayon rəhbəri 3 saylı orta məktəbin məzunlarına bu xoş gün üçün canından keçən bu məktəbin məzunu Tamerlan İqrar oğlu Əliyevdən də danışıb.
Bildirib ki, 2018-2019-cu ildə bu məktəbin məzunu olmuş Tamerlan Əliyev 2020-ci ildə Vətən Müharibəsində Füzuli uğrunda gedən döyüşlərdə qəhrəmancasına şəhid olub. Ziyəddin Əliyev gənclərə sülh şəraitində xoşbəxt yaşamağı, arzularının dalınca gedib cəmiyyətə layiq vətəndaş olmağı arzu edib.
Quba İH başçısı Ziyəddin Əliyev Quba şəhərində fəaliyyət göstərən fizika-riyaziyyat təmayüllü respublika liseyində məzunların son zəng mərasimində də iştirak və çıxış edib.
Aytəkin Alxaslı, Bizim.Media, Şimal bürosu
- A-
- A
- A+
Cəmiyyət
16:12 / 14.06.2022
70 məktəbdə çalınan məzun zəngi - FOTO
Hazırda oxunan: 70 məktəbdə çalınan məzun zəngi - FOTO
Hazırda oxunan: 70 məktəbdə çalınan məzun zəngi - FOTO
79229
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
